اسلام آباد: ترکی کی سرکاری ترقیاتی ادارے ٹیکا (TIKA) کی کنٹری ڈائریکٹر صالحہ تونا نے سینیٹ کی قائمہ کمیٹی برائے غربت کے خاتمے اور سماجی تحفظ کے چیئرمین سینیٹر سردار محمد عمر گورگیج سے ملاقات کی۔ملاقات میں بلوچستان میں تعلیم، صحت اور پانی کی فراہمی و صفائی کے شعبوں میں تعاون بڑھانے کے مواقع پر تفصیلی تبادلہ خیال کیا گیا۔ صالحہ تونا نے کہا کہ ٹیکا کا مقصد بلوچستان میں پائیدار ترقیاتی منصوبوں کے ذریعے عوام کی زندگیوں میں مثبت تبدیلی لانا ہے۔سینیٹر عمر گورگیج نے ٹیکا کی کاوشوں کو سراہتے ہوئے کہا کہ بلوچستان میں تعلیم اور بنیادی سہولیات کی فراہمی میں ایسے اقدامات خوش آئند ہیں اور دونوں ممالک کے تعلقات کو مزید مضبوط بنائیں گے۔
