اسلام آباد — ترکیہ کی سرکاری ترقیاتی ایجنسی ٹکا (TİKA) کی کنٹری ڈائریکٹر صالحہ تونا نے یونیسکو پاکستان کے نئے چیف آف آفس و نمائندے فواد پاشایف سے ملاقات کی۔
ملاقات کے دوران دونوں فریقین نے اپنے اداروں کی جاری سرگرمیوں اور مستقبل کے ممکنہ منصوبوں پر تبادلہ خیال کیا۔ صالحہ تُونانے ٹکا کے تحت پاکستان میں تعلیم، صحت، ثقافت، اور سماجی بہبود کے شعبوں میں جاری منصوبوں کے بارے میں تفصیلی بریفنگ دی۔
فواد پاشایف نے یونیسکو کی سرگرمیوں اور پاکستان میں جاری پروگرامز کے حوالے سے آگاہ کیا۔ دونوں رہنماؤں نے تعلیم، ثقافت، اور پائیدار ترقی کے شعبوں میں باہمی تعاون کو فروغ دینے پر اتفاق کیا۔
صالحہ تونا نے کہا:
“ٹکا پاکستان میں انسانی ترقی اور تعلیم کے فروغ کے لیے بین الاقوامی اداروں کے ساتھ اشتراک کو نہایت اہم سمجھتی ہے۔ یونیسکو کے ساتھ اشتراک پاکستان میں پائیدار ترقی کے اہداف کے حصول میں ایک مثبت قدم ثابت ہوگا۔”
فواد پاشایف نے اس موقع پر ترکیہ کی جانب سے پاکستان میں جاری ترقیاتی منصوبوں کو سراہا اور کہا کہ یونیسکو اور ٹکا کے درمیان تعاون سے پاکستان میں تعلیم اور ثقافت کے شعبوں میں نئے دروازے کھلیں گے۔
یہ ملاقات پاکستان میں ترکیہ–یونیسکو تعاون کے ایک نئے مرحلے کی علامت ہے، جو دونوں ممالک کے تعلقات کو مزید مضبوط بنانے میں مددگار ثابت ہوگی۔
🇹🇷🇺🇳🇵🇰
