غزہ میں فوری جنگ بندی ہونی چاہیے ، سعودی وزیر خارجہ

سعودی وزیر خارجہ شہزادہ فیصل بن فرحان نے کہا ہے کہ غزہ میں فوری جنگ بندی ضروری ہے ۔

شہزادہ فیصل بن فرحان نے امریکی وزیر خارجہ کے ساتھ عرب وزرائے خارجہ کے اجلاس سے قبل واشنگٹن میں پریس کانفرنس میں کہا کہ ہمارا پیغام مربوط اور واضح ہے۔

جس کا خلاصہ یہ ہے کہ ہم فوری جنگ بندی کو ضروری سمجھتے ہیں۔

انہوں نے کہاکہ اس تنازع میں پریشان کن حیقیت یہ ہے کہ تنازعات اور لڑائی کے خاتمے کو بین الاقوامی برادری اولین ترجیح نہیں سمجھ رہی ہے۔

انہوں نے کہا کہ میں یقینا امید کروں گا کہ امریکہ میں ہمارے پارٹنرز مزید کام کریں گے، ہمیں یقین ہے کہ وہ مزید کچھ کرسکتے ہیں۔

انہوں نے کہا کہ غزہ میں انسانی امداد میں  نمایاں اضافہ کرنے کی اشد ضرورت ہے۔