مشہور ترک ڈرامے ارطغرل غازی کی پروڈکشن ٹیم عید کے بعد پاکستان کا دورہ کرے گی ،یہ دورہ سپیکر قومی اسمبلی اسد قیصر کی دعوت پر کیا جارہا ہے ۔
اسپیکر قومی اسمبلی اسد قیصر نے اپنے حالیہ دورہ ترکی کےد وران ارطغرل غازی اور کورولش عثمان ڈرامے کے پروڈیوسربوذداغ سے ملاقات کی ۔
اسپیکر قومی اسمبلی نے ڈرامے کی پروڈکشن ٹیم کو پاکستان آنے کی دعوت دی جبکہ پاکستان اور ترکی کے درمیان نئے ڈرامہ کیلئے مشترکہ پروڈکشن پر بھی اتفاق کیا گیا ۔
ارطغرل غازی ڈرامہ کی پروڈکشن ٹیم دورہ پاکستان کےدوران وزیراعظم عمران خان سے بھی ملاقات کرے گی۔
پاکستانی اداکاروں کے ساتھ مل کر ڈرامہ سیریل بھی بنائی جائے گی ۔
