صدر ایردوان نے ترکیہ کے سب سے بڑے جنگی بحری جہاز کا افتتاح کر دیا۔
یہ جہاز آج ترک بحریہ کے جنگی بیڑے میں شامل کر لیا گیا، ٹی سی جی انادولو کو جنگی ڈرون طیاروں کے لئے خصوصی طور پر ڈیزائن کیا گیا ہے، جسے ڈرون کیریئر کا نام بھی دیا گیا ہے۔
ٹی سی جی انادولو ترکیہ کا سب سے بڑا جنگی جہاز اور دنیا کا پہلا یو سی اے وی کیریئر ہو گا یعنی اس پر بغیر پائلٹ کے جنگی فضائی ڈرونز، طیارے ، ہیلی کاپٹرز وغیرہ لینڈ کر سکیں گے۔
استنبول میں قائم شپ یارڈ سیدف میں بنایا گیا یہ جہاز ہیلی کاپٹرز ، ڈرون ، زمینی گاڑیاں ، ہلکے جنگی جہاز اور اہلکاروں کو ایک جگہ سے دوسری جگہ لے کر جا سکتا ہے۔
استنبول میں افتتاحی تقریب سے خطاب کرتے ہوئے صدر ایردوان نے کہا کہ ٹی سی جی انادولو، جہاں سب سے بڑے اور بھاری ہیلی کاپٹر اور ڈرون اتر سکتے ہیں اور ٹیک آف کر سکتے ہیں، اپنی نوعیت کا دنیا میں پہلا جنگی بحری جہاز ہے۔
انکا کہنا تھا کہ ترکیہ کے بیرکتار (ٹی بی 3) اور کیزیلما ڈرون اور دیگر طیارے باآسانی ٹی سی جی پر اتر سکتے ہیں اور ٹیک آف کر سکتے ہیں۔
صدر نے کہا کہ ترکیہ اس جہاز کی بدولت پوری دنیا میں عسکری بنیادوں پر کارروائی کر سکے گا۔
یہ جہاز بکتر بند گاڑیاں بھی لے کر جانے کی صلاحیت رکھتا ہے۔
انکا کہنا تھا کہ جہاز کے ہتھیار، جنگی انتظام، الیکٹرانک وارفیئر، انفراریڈ سرچ اینڈ ٹریک، الیکٹرو آپٹیکل سرچ، لیزر وارننگ، تارپیڈو دفاعی نظام، اور ریڈار مقامی طور پر تیار کیے گئے تھے۔
ایردوان کا کہنا تھا کہ 131 ماہرین جہاز کی تعمیر کے عمل میں شامل ہوئے۔
انہوں نے مزید کہا کہ یہ ایک بٹالین کو بحیرہ ایجین ، بحیرہ روم اور بحیرہ اسود کے کسی بھی بحرانی خطے میں لے جا سکتا ہے۔
صدر کا کہنا تھا کہ اس میں ایک مکمل ہسپتال کی سہولت اور دو آپریٹنگ کمرے بھی شامل ہیں۔
اس موقع پر میلجیم کے تین نئے جنگی بحری جہازوں کے سنگِ بنیاد کی تقریب بھی ہوئی، جو 36 ماہ کے اندر تعمیر کیے جائیں گے۔
انہوں نے بتایا کہ بحری جہازوں کے لیے ہتھیاروں کے نظام اور سینسرز مقامی طور پر تیار کیے جائیں گے۔
ہم میلجیم استیف کلاس فریگیٹس کے چھٹے، 7ویں اور 8ویں جہازوں کے لیے اسٹیل کاٹ رہے ہیں اور ان کی تیاری شروع کر رہے ہیں۔ صدر ایردوان نے کہا کہ ایک نجی شپ یارڈ میں بیک وقت تین بحری جہازوں کی تعمیر اور تقریباً 36 ماہ کی مدت میں انہیں ہماری نیول فورسز تک پہنچانے کا ہدف ایک ایسا منصوبہ ہے جس کی دنیا میں کوئی نظیر نہیں ملتی۔
انہوں نے بتایا کہ بحری جہازوں کے لیے ہتھیاروں کے نظام اور سینسر مقامی طور پر تیار کیے جائیں گے۔
انہوں نے کہا کہ ہماری دفاعی صنعت کے لیے ترکیہ کو مضبوط کر کے دنیا کا ابھرتا ہوا ستارہ بننا آسان نہیں تھا۔ جب ہم اقتدار میں آئے تو ہم نے دیکھا کہ زمین پر اور میز پر مضبوط سفارت کاری صرف ایک مضبوط دفاعی صنعت سے ہی ممکن ہے۔ اس تفہیم میں، ہم نے اپنا ہدف مکمل طور پر آزاد دفاعی صنعت کے طور پر عبور کیا ہے۔
صدر ایردوان نے مزید کہا کہ ہمیں خصوصی خوشی ہے کہ ہماری دفاعی صنعت کی مصنوعات، جنہیں ہماری سیکورٹی فورسز کامیابی سے اندرون اور بیرون ملک اپنے آپریشنز میں استعمال کرتی ہیں۔ انہوں نے دوست ممالک کی فہرست میں بھی اپنی جگہ بنانا شروع کر دی ہے۔
انہوں نے مزید کہا کہ موثر سفارت کاری کے لیے مضبوط دفاعی صنعت لازم ہے۔ ترکیہ جدید نظام اور مصنوعات تیار کرکے گیم چینجر ملک بن جائے گا۔
