پاکستان کے وزیر خارجہ شاہ محمود قریشی نے مسئلہ کشمیر اور فلسطین کے حالات کو ایک جیسا قرار دے دیا۔
نیو یارک میں میڈیا سے بات کرتے ہوئے پاکستان کے وزیر خارجہ شاہ محمود قریشی نے ایک بار پھر بھارت کو کشمیر کے مسئلے پر مذاکرات کی دعوت دے دی۔
شاہ محمود قریشی کا کہنا تھا کہ عمران خان سودا گر نہیں ہے وہ کشمیر کا سودا کبھی نہیں کرئے گا، کشمیر پر ہمارا موقف دو ٹوک ہے اور اس پر ہم با عذت طریقے سے بات کریں گے۔
وزیرخارجہ کا کہنا تھا کہ فلسطین اور مقبوضہ کشمیرکی صورتحال میں مماثلت ہے، مسئلہ فلسطین اور مسئلہ کشمیر کا حل تلاش نہ کیا گیا تو دیرپا امن دستیاب نہیں ہوگا۔
انہوں نے مزید کہا کہ اسرائیل اور حماس کے درمیان جنگ بندی مثبت قدم ہے مگریہ ناکافی ہے، ہمیں مستقل حل کی طرف بڑھنا ہے، امت مسلمہ کے تمام ممالک سے اچھے تعلقات ہیں، ہم کسی کیمپ میں نہیں جارہے۔
