سعودی عرب کے وزیر خارجہ پرنس فیصل بن فرحان آل سعود،اپنے پاکستانی ہم منصب شاہ محمود قریشی کی دعوت پر 27جولائی کو پاکستان کا دورہ کریں گے۔
سعودی حکومت کے سینئر حکام پر مشتمل وفد بھی ان کے ہمراہ ہوگا۔اس دورے کے دوران ، دونوں وزرائے خارجہ دوطرفہ تعلقات کے تمام پہلووں سمیت علاقائی و بین الاقوامی امور پر تبادلہ خیال کریں گے۔
سعودی وزیر خارجہ اس دورے کے دوران دیگر اعلی حکام سے بھی ملاقات کریں گے۔وزرا خارجہ دونوں ممالک کی قیادت کے وژن کے مطابق دوطرفہ تعاون میں پیشرفت کا جائزہ بھی لیں گے۔
پاکستان اور سعودی عرب کے درمیان دیرینہ اور تاریخی برادرانہ تعلقات ہیں ، جس کی جڑیں مشترکہ عقیدے، تاریخ اور باہمی حمایت کے مستحکم بنیادوں پر استوار ہیں۔
سعودی وزیر خارجہ کا یہ دورہ اور دونوں ملکوں کے مابین اعلی سطح کے تبادلے، مختلف شعبوں میں دوطرفہ تعاون کو مزید گہرا کرنے میں معاون ہوں گے۔
