سعودی ولی عہد محمد بن سلمان کا کہنا ہے کہ سعودی عرب ایران کے ساتھ اچھے تعلقات چاہتا ہے کیونکہ سعودی عرب ایران کو مشکل حالات میں نہیں دیکھ سکتا۔
سعودی ٹی وی چینل کو انٹر ویو دیتے ہوئے محمد بن سلمان کا کہنا تھا کہ سعودی عرب اور ایران کے مفادات ایک دوسرے سے وابستہ ہیں، ایران ہمارا پڑوسی ملک ہے ، ہم ایران میں ترقی اور خشحالی کے خواہاں ہیں۔
سعودی ولی عہد کا مزید کہنا تھا کہ ہم چاہتے ہیں کہ سعودی عرب کے ساتھ ہمارے اچھے تعلقات ہوں ، ہم نہیں چاہتے کہ ایران مشکل میں رہے۔
محمد بن سلمان کا کہنا تھا کہ ایران کی منفی سر گرمیوں کی وجہ سے سعودی عرب کو مسائل کا سامنا کرنا پڑا جس میں ایٹمی پروگرام ، میزائل پروگرام، اور خطے میں باغی ملیشیاوں کی سر پر ستی شامل ہے۔
یمن سے متعلق سوال کے جواب پر محمد بن سلمان کا کہنا تھا کہ یمن کی آئینی حکومت کے خلاف حوثیوں کی بغاوت غیر قانونی ہے،حوثیوں کو سعودی عرب کا جنگ بندی معاہدہ قبول کرنا چاہیے،سعودی عرب حوثیوں کی اقتصادی مدد کے ساتھ جو وہ چاہیں گے اسے پورا کرےگا۔
ان کا کہنا تھا کہ یہ ٹھیک ہےکہ ایران کے حوثیوں سے مضبوط تعلقعات ہیں لیکن حوثی بھی عرب اور یمنی ہیں، ہماری خواہش ہےکہ حوثی یمن میں بہتر طریقے سے رہیں اور اپنے ملک کے مفاد کو اہمیت دیں۔
