ترک صدر رجب طیب ایردوان کا کہنا ہے کہ انہیں ترک نوجوانوں کی صلاحیتوں پر پورا بھروسہ ہے۔
ایردوان نے ان خیلالات کاا ظہار 19 مئی اتاترک کی یاد، نوجوانوں اور کھیلوں کے دن کے موقع پر ایک پیغام جاری کرتے ہوئے کیا ہے۔
صدر ایردوان نے اپنے پیغام میں کہا کہ 19 مئی جو کہ غازی مصطفی کمال اتاترک نے ترک نوجوانوں کو تحفے میں دیا، وہ تاریخ تھی جب قوم کے عزم اور آزادی سے محبت کا دنیا کے سامنے اعلان کیا گیا اور مزاحمت کا جذبہ زندہ کیا گیا۔
انہوں نے کہا کہ 19 مئی 1919 کو ترک قوم استعماری قابض قوتوں کے خلاف اکٹھے کھڑی ہوئی، جمہوریہ ترکی کی آخری اور ابدی ریاست کے قیام کے لیے ہمہ جہت جدوجہد میں مصروف، شاندار بہادری کا مظاہرہ کیا اور آخر کار کامیابی حاصل کی۔
انہوں نے کہا کہ "آج آزادی کی طاقت اور جذبے کے ساتھ جو ہم اپنی تاریخ سے حاصل کرتے ہیں، ہم مستقبل کی طرف چل رہے ہیں، ہم ان لوگوں کے خلاف انتھک جدوجہد کر رہے ہیں جو ترکی کی ترقی کو روکنا چاہتے ہیں۔ ایک عظیم اور مضبوط تعمیر کے اپنے جوش کو برقرار رکھتے ہوئے” ترکی زندہ ہے اور ہمیشہ زندہ رہے گا ، ہم اپنے نوجوانوں کی حمایت کرتے ہیں، جنہیں ہم اس راستے پر اپنے سب سے اہم اثاثے کے طور پر دیکھتے ہیں، ہر میدان میں ہم انہیں مواقع فراہم کرتے ہیں۔
انہوں نے کہا کہ "ہم قومی شعور اور کردار کے ساتھ اپنے نوجوانوں کے لیے پوری قوت کے ساتھ کام کر رہے ہیں، ہمیں ترک نوجوانوں کی صلاحیت پر بھروسہ ہے۔
صدر ایردوان نے کہا کہ "ہم اپنے ملک کے 2023 کے اہداف اور 2053 کے وژن کو پورا کرنے کے لیے اپنے نوجوانوں کے ساتھ مل کر چلتے رہیں گے۔ میں ایک بار پھر اتاترک کی یادگار، یوتھ اور کھیلوں کے دن کی مبارکباد پیش کرتا ہوں، اور میں جنگ آزادی کے تمام ہیروز خصوصاً غازی مصطفیٰ کمال احترام کے کو یاد کرتا ہوں۔
