صدر رجب طیب ایردوان نے صوبہ حقاری کے یوکسیک اووا ضلع میں انسداد دہشت گردی کی کارروائیوں میں نمایاں کامیابیاں حاصل کرنے والی تیسری انفنٹری ڈویژن کمانڈ میں افطار ڈنر کا اہتمام کیا اور خصوصی شرکت کی۔
صدر ایردوان کے ہمراہ وزیر دفاع حلوصی آقار اور مسلح افواج کے سربراہان بھی موجود تھے صدر نے انفنٹری ڈویژن کمانڈ میں افطار کرنے کے بعد ملک و قوم کی سلامتی کے لیے خصوصی دعا میں بھِی حصہ لیا۔
صدر ایردوان نے اپنے ٹویٹر اکاؤنٹ پر لکھا ہے کہ "آج رات، ہم نے اپنی ترک مسلح افواج کی تیسری انفنٹری ڈویژن کمانڈ کے قیمتی ارکان اور فوجیوں کے ہمراہ صوبہ حقاری کے یوکسیک اووا ضلع میں افطار میں شرکت کی ہے۔ اللہ ہمارے فوجیوں کو کامیابی و کامرانی عطا فرمائے اور ان کی حفاظت کرے ۔
