صدر ایردوان نے بیش تیپے، ینی محلہ، انقرہ کی دیانت اکیڈمی کے سالِ اول کی گریجیویشن کی تقریب میں شرکت کی ، اور تحصیلِ علمِ دینی کے شائق اپنے ہونہار طلبا و طالبات سے خطاب بھی کیا۔
تقریب سے خطاب کرتے ہوئے صدر ایردوان کا کہنا تھا کہ ہماری دیانت برادری مزید مضبوط ہو گی۔
2022 میں دیانیت اکیڈمی کی بنیاد رکھنے کے لیے تقریباً ایک دہائی پر محیط پیچیدہ اور بھرپور کوششوں کی طرف توجہ مبذول کراتے ہوئے صدر ایردوان نے زور دیا کہ دیانت کمیونٹی نے دین کے ساتھ ساتھ پیشہ ورانہ تربیت حاصل کرنے کا ایک بہترین نمونہ پیش کیا ہے۔
صدر ایردوان نے کہا کہ دیانت اکیڈمی کے زیر سایہ صدر دفتر اور مذہبی امور کی صوبائی شاخوں کی طرف سے فراہم کی جانے والی ہر قسم کی تربیت کو اب ایک ہی چھت کے نیچے جمع کر دیا گیا ہے۔
صدر ایردوان کا کہنا تھا کہ اس طرح، ہم نے ایوان صدر برائے مذہبی امور کی خدمت میں ایک اہم ادارہ قائم کیا ہے جو مذہبی تربیت کے معیار کو بہتر بنانے جو نہ صرف اندرون ملک ہمارے شہریوں بلکہ بیرون ملک مقیم ہمارے شہریوں کے ساتھ ساتھ برادرانہ لوگوں کے لیے بھی بہتر خدمات کو یقینی بنائے گا اور ایوان صدر کے کارپوریٹ کو فروغ دے گا۔
اس بات پر زور دیتے ہوئے کہ پہلے وزیر اعظم اور پھر صدر کی حیثیت سے انہوں نے اکیڈمی کے قیام کے تمام مراحل کو قریب سے دیکھا ہے، صدر ایردوان نے کہا کہ اللہ کا شکر ہے کہ اب ہم اکیڈمی کے پہلے ٹرم ٹرینیز کی گریجویشن کا مشاہدہ کر کے خوشی محسوس کر رہے ہیں۔
انکا کہنا تھا کہ اس موقع پر میں اکیڈمی میں 4,537 مذہبی عہدیداروں کو مبارکباد پیش کرتا ہوں جنہوں نے دیانت اکیڈمی میں کامیابی کے ساتھ اپنی 8 ماہ کی تربیت مکمل کی ہے۔
