خالد نبحان جن کا تعلق غزہ سے تھا، اسرائیلی حملے میں شہید ہو گئے.
خالد وہی فلسطینی ہیں جنہوں نے غزہ میں اسرائیلی حملے کے نتیجے میں شہید ہونے والی اپنی 3 سالہ نواسی ریم کو اپنی ’روح کی روح‘ کہتے ہوئے الوداع کہا تھا، یہ واقعہ 22 نومبر 2023 کو غزہ کے النصیرات کیمپ میں پیش آیا تھا۔
ترکیہ کی خبر رساں ایجنسی انادولو کے مطابق ریم کی شہادت کے بعد خالد نے اپنے غم کو عمل میں بدل دیا، وہ اکثر زخمی خاندانوں کی مدد کرتے اور ان کے لیے امداد فراہم کرتے دیکھے گئے۔
انہوں نے ’ریم: روح کی روح‘ کے نام سے ایک مہم بھی شروع کی جس کا مقصد غزہ کے بچوں کے چہروں پر خوشیاں لانا تھا، وہ بچوں میں کھلونے اور تحائف تقسیم کرتے تاکہ ان کے دکھوں کو کم کیا جا سکے۔
