حکومتِ پاکستان نے ایران کی جانب سے سعودی عرب کے مشرقی خطے میں توانائی تنصیبات پر میزائل اور ڈرون حملوں کی شدید مذمت کی ہے۔
وزارتِ خارجہ کے مطابق پاکستان نے ان حملوں پر گہری تشویش کا اظہار کرتے ہوئے انہیں سعودی عرب کی خودمختاری اور علاقائی سالمیت کی سنگین خلاف ورزی قرار دیا ہے۔ بیان میں کہا گیا کہ ان حملوں کے نتیجے میں ہونے والے جانی و مالی نقصان پر افسوس ہے جبکہ متاثرہ خاندانوں سے تعزیت اور سعودی عرب کے ساتھ مکمل یکجہتی کا اعادہ کیا گیا ہے۔
پاکستان نے اس اقدام کو خطے کے امن و استحکام کے لیے خطرناک قرار دیتے ہوئے سعودی عرب کی سلامتی کے لیے اپنی غیر متزلزل حمایت بھی دہرائی ہے۔
