اسلام آباد: پاکستان نے جاپان کے تعاون سے ملک کی تاریخ میں پہلی بار ڈیجیٹل روپیہ متعارف کرانے کا اعلان کر دیا ہے۔ یہ منصوبہ جدید ٹیکنالوجی کے ذریعے مالیاتی نظام کو مزید شفاف، محفوظ اور تیز بنانے کے لیے اٹھایا گیا ایک اہم قدم ہے۔اس ڈیجیٹل کرنسی کے اجرا سے نہ صرف بینکنگ سسٹم میں جدت آئے گی بلکہ عوام کو آن لائن اور موبائل ادائیگیوں میں آسانی، کاروباری لین دین میں تیزی اور نقدی پر انحصار کم کرنے میں بھی مدد ملے گی۔ماہرین کا کہنا ہے کہ اس اقدام سے پاکستان کے فنانشل سیکٹر میں انقلابی تبدیلی آئے گی اور غیر رسمی معیشت کو دستاویزی شکل دینے میں بھی مدد ملے گی۔
