وزیراعظم کے معاون خصوصی برائے سیاسی روابط شہباز گل نے اپنے بیان میں کہا ہے کہ آن لائن ریٹیل کی عالمی شہرت یافتہ کمپنی ایمازون نے پاکستان کو سیلر لسٹ میں شامل کر لیا ہے۔
شہباز گل نے سوشل میڈیا پر جاری اپنے بیان میں کہا کہ پاکستان کی تاریخ میں جو کام پچھلے 10 سال سے نا ہو سکا وہ بالآخر موجودہ حکومت نے کر دکھایا۔
ان کا کہنا تھا کہ ایمازون نے پاکستان کو سیلر لسٹ میں شامل کردیا ہے، اس سے پاکستان عالمی منڈی میں شامل ہو گیا ہے۔
شہباز گل نے وزیراعظم عمران خان کا شکریہ ادا کرتے ہوئے کہا کہ اس سے اربوں کی سرمایہ کاری اور روزگار کے مواقع پیدا ہوں گے۔
ٹیک جوس ڈاٹ پی کے کے مطابق امیزون پر پاکستانی اپنی تقومی تفصیلات کی مدد سے اکاونٹ بنا سکتے ہیں۔
اس فیصلے سے پاکستان کو بہت فائدہ ہوگا۔
اس معاملے پر بات چیت کرنے کے لیے قونصلیٹ جنرل آف پاکستان کی طرف سے ویبنار بھی کیا گیا جس میں پاکستان کی مختلف کمپنیوں کے سینیر ایگزیکٹیوز نے حصہ لیا۔
