اسلام آباد — وفاقی وزیر خرم دستگیر خان نے کہا ہے کہ پاکستان اور امریکہ کے تعلقات میں اب وہ فرق آ گیا ہے جو ملک کی خودمختاری اور خود اعتمادی کو ظاہر کرتا ہے۔
انہوں نے کہا کہ:
"ہم اب امریکہ کے در کے سوالی نہیں ہیں۔ امریکہ جانتا ہے کہ گزشتہ 11 سال سے ہم نے اُس سے کچھ لیے بغیر خطے میں اپنی خودمختاری برقرار رکھی اور بھارت کو شکست دی۔”
خرم دستگیر خان نے مزید کہا کہ پاکستان نے اپنی عسکری، سفارتی اور معاشی پالیسیوں میں آزادی حاصل کی ہے، اور اب کسی ملک کی امداد پر انحصار کیے بغیر قومی مفاد اور علاقائی استحکام کے لیے فیصلے کر رہا ہے۔
انہوں نے زور دیا کہ پاکستان کی ترقی، مضبوط دفاع اور سفارتی خودمختاری اب حقیقی معنوں میں ایک خوددار قوم کی علامت بن چکی ہے۔
