آذربائیجان میں منعقدہ انٹرنیشنل STEAM مقابلے میں پاک ترک معارِف نے ملک کا سر فخر سے بلند کر دیا۔ ٹیم معارِف 25 نے 21 ممالک کے مابین سخت مقابلے میں پہلی پوزیشن حاصل کر کے پاکستان کو عالمی سطح پر نمایاں کر دیا۔
اس شاندار کامیابی میں عنایہ خان، ممونہ عادل اور ان کی رہنما مس گُہر خورشید نے اپنی مہارت، تخلیقی سوچ اور لگن سے ثابت کیا کہ پاکستانی طلبہ عالمی معیار پر پورا اترتے ہیں۔ ٹیم کی کارکردگی نے نہ صرف مقابلے کے ججز کو متاثر کیا بلکہ پاکستان کا نام بھی روشن کیا۔
پاک ترک معارِف فاؤنڈیشن اور تعلیمی حلقوں نے ٹیم کو زبردست خراجِ تحسین پیش کیا ہے۔ ماہرینِ تعلیم کے مطابق یہ کامیابی پاکستان میں STEM و STEAM تعلیم کے بڑھتے ہوئے معیار کا ثبوت ہے۔
ٹیم معارِف 25 کی اس غیر معمولی کامیابی پر ملک بھر سے مبارک باد کے پیغامات کا سلسلہ جاری ہے۔
