پاک ترک معارف اسکول اینڈ کالجز میں قومی خودمختاری اور بچوں کے دن کی رنگا رنگ تقریبات کا انعقاد کیا گیا۔ یہ تقریب پاکستان اور ترکیہ کے گہرے برادرانہ تعلقات کی عکاس تھی، جس میں طلبہ نے ثقافتی ہم آہنگی، دوستی اور امن کے پیغامات پر مبنی دلچسپ تقاریر، پرفارمنسز اور تخلیقی سرگرمیوں کے ذریعے حاضرین کے دل جیت لیے۔
طلبہ نے امن، اُمید، اور باہمی احترام پر مبنی پیغامات دے کر اس بات کو اجاگر کیا کہ بچوں کی معصومیت اور خلوص دونوں ممالک کے روشن مستقبل کی ضمانت ہیں۔
تقریب میں ترکیہ اور پاکستان کی روایتی ثقافت، فنون لطیفہ، اور طالبعلموں کے جذباتی اظہار نے ماحول کو مزید پرجوش بنا دیا۔ اساتذہ، والدین، مہمانانِ خصوصی اور اسکول انتظامیہ نے اس یادگار دن کو بھرپور انداز میں منایا۔
اس موقع پر مصطفی کمال اتاترک کے وژن کو خراجِ تحسین پیش کیا گیا، جنہوں نے بچوں کو قوم کا معمار قرار دیا۔ اس دن کی تقریبات نے بچوں کے لیے امید، شمولیت اور عالمی دوستی کے پیغام کو فروغ دیا۔
