ترک وزیر صنعت و ٹیکنالوجی کا کہنا تھا کہ ترک فضائیہ کے پائلٹ کرنل Alper Gezeravci کا خلا میں سفر ترکیہ کے معاشرے پر ایک دیرپا اور مثبت نشان چھوڑے گا۔
وزیر ٹیکنالوجی نے امریکہ کے کینیڈی اسپیس سینٹر سے Alper Gezeravci کے لانچ سے چند گھنٹے قبل میڈیا سے بات کرتے ہوئے کہا کہ یہ مشن نہ صرف Alper Gezeravci کے خواب کی تعبیر ہے بلکہ کہ ہر ترک بچے ،خواتین اور نوجوانوں کے خوابوں کی تعبیر ہے۔
انکا کہنا تھا کہ بہت سے ممالک نے خلابازوں کو بین الاقوامی خلائی اسٹیشن (آئی ایس ایس) میں بھیجا ہے۔
انہوں نے مزید کہا کہ ترکیہ اپنے پہلے خلائی مسافر اور خلاباز کو اپنے قومی خلائی پروگرام کے حصے کے طور پر مدار میں چلنے والی لیبارٹری میں بھیجے گا۔
Ax3 مشن پر Gezeravci کی لانچنگ نجی خلائی ریسرچ فرم SpaceX کی طرف سے کیپ کیناویرل، فلوریڈا میں، اس کے Falcon 9 راکٹ کے ساتھ شام 4.49 بجے کی جائے گی۔
ابتدائی طور پر 9 جنوری کو لفٹ آف کا منصوبہ بنایا گیا تھا لیکن اسے دو بار 17 جنوری اور پھر 18 جنوری تک ملتوی کیا گیا۔
ترکیہ، اسپین، اٹلی اور سویڈن کے چار خلائی مسافر Ax3 مشن کے حصے کے طور پر ISS پر 30 سے زیادہ سائنسی تجربات اور مظاہرے کریں گے۔
ترکیہ کی خلائی ایجنسی (TUA) کے صدر یوسف کرک نے کہا کہ یہ وہ دن تھا جس کا ترک کئی سالوں سے انتظار کر رہے تھے۔
آج کا دن ہمارے لیے ایک سنگ میل ہے، لیکن یہ کوششیں اب تا قیامت جاری رہیں گی۔
ہمارا مون پروگرام، ہمارے اپنے لانچ سسٹم کے ساتھ اپنے لوگوں کو بھیجنا، ہمارے ایک بنیادی ہدف ہے۔
ترکیہ (TUBITAK) کی سائنسی اور تکنیکی تحقیقی کونسل کے سربراہ حسن منڈل نے کہا کہ یہ ترکیہ کے لیے ایک تاریخی دن ہو گا۔
انہوں نے مزید کہا کہ ہم ایک ایسے مشن کا ادراک کر رہے ہیں جو ترکیہ کی صدی میں تاریخ پر ایک نشان چھوڑے گا۔
