پاک ترک معارف انٹرنیشنل سکول اینڈ کالجز کی جانب سے پاکستان بھر میں ماگس کے تحت داخلے اور وظائف کے امتحان کا کامیابی سے انعقاد کیا گیا۔ یہ امتحان پاکستان کے 33 شہروں اور 46 امتحانی مرکز میں منعقد کیا گیا جس میں 6 ہزار سے زائد طلبہ و طالبات نے حصہ لیا۔
یاد رہے کہ پاک ترک معارف انٹرنیشنل سکول اینڈ کالجز، ترکیہ معارف فاؤنڈیشن کے تحت چل رہے ہیں جو کہ حکومت ترکیہ کی سرکاری فاؤنڈیشن, ہے۔ یہ فاؤنڈیشن دنیا کے 53 ممالک میں 460 سے زائد اسکولوں پر مشتمل ہے جس میں 60 ہزار سے زائد طلبہ و طلبات زیر تعلیم ہیں۔ یہ تعلیمی ادارے ہر سال فروری کے مہینے میں ماگس امتحان کا انعقاد کرتے ہیں۔ اس سال جماعت چہارم سے جماعت نہم تک کے بچوں نے اس میں حصہ لیا۔
ماگس امتحان میں کامیاب ہونے والے بچوں کو پاک ترک معارف انٹرنیشنل سکول اینڈ کالجز کی مختلف برانچوں میں داخلہ اور وظیفہ حاصل کرنے کا سنہری موقع ملے گا۔
