لندن میں پہلی بار رمضان المبارک کے استقبال کے لیے لندن کی سڑکوں خوبصورت روشنیوں سے جگمگایا گیا۔
لیسٹر اسکوائر اور پکاڈیلی کو ملانے والی سڑک کوونٹری اسٹریٹس پر 30ہزار لائٹس لگائی گئیں ہیں۔
یہ لائٹس پورے رمضان لندن کی سڑکوں پر جگمگائیں گی جہاں 13 لاکھ مسلمان آباد ہیں، لائٹس کا افتتاح میئر لندن صادق خان نے کیا جب کہ ممتاز گلوکار ناٹی بوائے اور دیگر اہم شخصیات بھی موجود تھیں۔ لندن کی سڑکوں کوخوبصورت روشنیوں میں تبدیل غیر منافع بخش تنظیم رمضان لائٹس یو کے کی جانب سے کیا گیا۔
تنظیم کی بانی عائشہ دیسائی نے کہا کہ جب وہ چھوٹی تھیں تو اس علاقے میں کرسمس لائٹس دیکھا کرتی تھیں اور انہیں مشرقی وسطیٰ میں بھی رہنے کا موقع ملا جس کے بعد وہ لائٹس کا جادو لندن میں بھی دکھانا چاہتی تھیں۔
ان کا کہنا تھا کہ میں اپنی کمیونٹی کے لوگوں کو بتانا چاہتی ہوں کہ یہ مہینہ مسلمانوں کے لیے واقعی اہم ہے،رمضان میرا بھی پسندیدہ مہینہ ہے اور میں اللہ کا شکر ادا کرتی ہوں کہ آج ہم یہاں ہیں’۔
ان کا کہنا تھا کہ اس پروجیکٹ کا آغاز 3 برس قبل کیا تھا، یہ اسلام کو مثبت طریقے سے پیش کرنے کا طریقہ ہے۔
لندن کے میئر صادق خان نے نجی ٹی وی انٹرویو میں بتایا کہ لندن میں پہلی مرتبہ اتنے بڑے پیمانے پر رمضان کی خوشی میں سڑکوں کو خوبصورت چاند تاروں کی شکل میں روشنیوں سے سجایا گیا ہے
