قونصل جنرل جمہوریہ ترکیہ محترم جناب مہمت ایمن شیمشک نے پاک ترک معارف انٹرنیشنل اسکولز اینڈ کالجز لاہور کا دورہ کیا۔
دورے کے دوران معزز مہمان نے اسکول کی کلاسز، سائنس و کمپیوٹر لیبز اور مختلف تعلیمی سیکشنز کا معائنہ کیا۔ انہوں نے طلباء سے ملاقات کی، ان سے گفتگو کی اور ان کی تعلیمی سرگرمیوں میں گہری دلچسپی ظاہر کی۔
انتظامیہ کی جانب سے انہیں پاک ترک معارف ادارے کے نظامِ تعلیم، تدریسی معیار، اور جدید سہولیات کے بارے میں تفصیلی بریفنگ دی گئی۔
ہز ایکسی لینسی مسٹر مہمت ایمن شیمشک نے اسکول میں فراہم کی جانے والی معیاری تعلیم، نظم و ضبط اور تعلیمی ماحول کو سراہا۔ انہوں نے اس بات کا اعادہ کیا کہ ترکیہ کا قونصلیٹ معارف اسکولز کے لیے اپنے مکمل تعاون اور سرپرستی کو جاری رکھے گا۔
قونصل جنرل نے اس موقع پر طلباء کو محنت، ایمانداری اور علم کے حصول میں ثابت قدم رہنے کی تلقین بھی کی۔
