ایران کے نائب صدر جواد ظریف عہدے سے مستعفی ہو گئے ہیں۔ ایرانی سرکاری میڈیا کے مطابق نائب صدر جواد ظریف نے اپنا استعفی صدر مسعود پزشکیان کو بھجوا دیا ہے۔ تاہم ان کے استعفی سے متعلق اب تک کوئی فیصلہ نہیں کیا گیا۔
نائب صدر کے عہدے سے استعفیٰ دینے کے بعد جواد ظریف نےکہا کہ مجھے اور میرے خاندان کو شدید الزامات، دھمکیوں اور توہین کا سامنا کرنا پڑا، عدلیہ کے سربراہ نے مجھے استعفیٰ دینے کا مشورہ دیا، جس پرعمل کیا۔
واضح رہے کہ محمد جواد ظریف اس سے قبل حسن روحانی کی حکومت (2013-2021) میں بطور وزیر خارجہ کام کر چکے ہیں اور ایران کے عالمی طاقتوں سے ہونے والے جوہری معاہدے میں انہوں نے اہم کردار ادا کیا تھا۔
