استنبول فوٹو ایوارڈز 2023 کے لیے درخواستیں 15 نومبر سے 15 جنوری تک جمع کروائی جا سکیں گی۔
استنبول فوٹو ایوارڈز ہر سال تقریبا 15 ہزار سے زیادہ تصاویر اکھٹی کرتے ہیں۔
فوٹو ایوارڈز کا مقصد پریس فوٹوگرافروں کو انکے پیشہ کے لیے محبت اور دلچسپی میں مزید اضافہ کرنا ہے۔
اس مقابلے کو دنیا کے اعلیٰ ترین فوٹوگرافی مقابلوں میں سے ایک کے طور پر پہچانا جاتا ہے۔
فوٹوگرافروں کے ساتھ، فری لانس صحافیوں کی ایک بڑی تعداد بھی اس مقابلے میں شامل ہوتی ہے۔
2022 میں دنیا بھر میں شہ سرخیوں میں آنے والے واقعات کی تصاویر کا استعمال کرتے ہوئے صرف پیشہ ور فوٹوگرافرز ہی مقابلے میں حصہ لے سکتے ہیں۔
10 زمروں میں اندراجات قبول کیے جا رہے ہیں: سنگل نیوز، اسٹوری نیوز، سنگل سپورٹس، اسٹوری سپورٹس، سنگل نیچر اینڈ انوائرمنٹ، اسٹوری ڈیلی لائف، اور اسٹوری پورٹریٹ کے ساتھ نئی شامل کردہ اسٹوری نیچر اینڈ انوائرمنٹ، سنگل پورٹریٹ اور سنگل ڈیلی لائف۔
تمام زمروں میں حصہ لینے کے لیے بغیر کسی شرط کے درخواست دی جا سکتی ہے چاہے وہ فی الحال کسی تنظیم کے لیے کام کر رہے ہوں یا ان کی تصاویر کہیں بھی شائع کی گئی ہوں۔
درخواستوں کے لیے شرائط و ضوابط مقابلے کی ویب سائٹ پر دیکھے جا سکتے ہیں۔
اس سال فوٹو آف دی ایئر کا ایوارڈ اس تصویر کو دیا جائے گا جو سنگل نیوز کیٹیگری میں پہلے نمبر پر ہے اور فوٹو جرنلسٹ کو 6 ہزار ڈالر کا انعام دیا جائے گا۔
ہر زمرے میں پہلی پوزیشن حاصل کرنے والوں کو 3ہزار ڈالر، دوسری پوزیشن حاصل کرنے والوں کو 1500 ڈالرز، اور تیسرے نمبر پر آنے والوں کو 1 ہزار ڈالر کا انعام دیا جائے گا۔
مقابلے کی جیوری، جس میں فوٹو گرافی کی دنیا کی ستاروں سے جڑی شخصیات شامل ہیں، مارچ میں بہترین تصاویر کا ایوارڈ دے گی۔
جیوری کے اراکین جمع کرائی گئی تصاویر کا بہت سے مختلف نقطہ نظر سے جائزہ لیں گے، جیسے تکنیکی مہارت، نقطہ نظر، حرکت، اور جذبات۔
درخواستیں صرف istanbulphotoawards.com پر 15 جنوری تک جمع کروائی جا سکتی ہیں۔
