ترکیہ کا استنبول ہوائی اڈہ 2050 کے نیٹ زیرو کاربن کے عزم کے مطابق ایئرپورٹس کونسل انٹرنیشنل یورپ کے ایئرپورٹ کاربن ایکریڈیٹیشن سرٹیفکیٹ میں لیول 4 پر پہنچ گیا ہے۔
2019 کے بعد سے، IGA استنبول ہوائی اڈے نے کاربن کے کل اخراج میں 21% کمی حاصل کی ہے، جو سرٹیفیکیشن پروگرام میں لیول 1 سے لیول 4 تک جا رہا ہے۔
ہوائی اڈے کے قائم مقام سی ای او نے کہا کہ میگا ایئر ہب اگلے سال شروع ہونے والے سولر پینل سسٹم کے ذریعے اپنی بجلی پیدا کرنا شروع کر دے گا۔
انکا کہنا تھا کہ 2050 تک نیٹ زیرو کاربن کے اخراج کو حاصل کرنے کے اپنے ہدف کی روشنی میں، ہم اپنے پروجیکٹ IGA GES کے ساتھ قابل تجدید توانائی کے ذرائع سے اپنی تمام بجلی کی کھپت پیدا کرنے والا پہلا ہوائی اڈہ بننے کا ارادہ رکھتے ہیں، جسے ہم 2024 کی پہلی سہ ماہی میں شروع کریں گے اور جسے ہم اس سال کے آخر تک مکمل کرنے کا منصوبہ رکھتے ہیں۔
ایئرپورٹس کونسل انٹرنیشنل یورپ کے ڈائریکٹر جنرل اولیور جانکوویک نے زور دے کر کہا کہ استنبول ہوائی اڈہ ترکیہ میں یہ کامیابی حاصل کرنے والا پہلا ہوائی اڈہ ہے۔
انہوں نے مزید کہا کہ میں IGA استنبول ہوائی اڈے کی پوری ٹیم کو 2050 تک زیرو کاربن کے اخراج کو حاصل کرنے کی کوششوں کے لیے سراہتا ہوں۔
