صدر ایردوان کا کہنا ہے کہ اسرائیل کے صدر اسحاق ہر زوگ مارچ میں ترکی کا دورہ کریں گے۔
یوکرین کے دورے سے قبل صحافیوں سے بات کرتے ہوئے صدر رجب طیب ایردوان کا کہنا تھا کہ ہرزوگ کا ترکی کا متوقع دورہ "مارچ کے وسط میں” ہوگا۔
صدر ایردوان نے مزید کہا کہ روس کے صدرپیوٹن بھی چین کے دورے کے بعد سرکاری دورے پر ترکی آئیں گے۔
پیوٹن کا دورہ چین جمعہ کو طے ہے۔
ماسکو اور کیو کے درمیان کشیدگی میں حالیہ اضافے پر تبصرہ کرتے ہوئے، رجب طیب ایردوان نے کہا کہ ترکی پیش رفت کی "قریب سے پیروی” کر رہا ہے۔
انکا کہنا تھا کہ پلیٹ فارم پر، ہم یوکرین کی علاقائی سالمیت اور خودمختاری کے لیے ترکی کی حمایت کا اظہار کرتے ہیں۔
صدر ایردوان نے تمام فریقوں پر زور دیا کہ وہ تحمل کا مظاہرہ کریں اور خطے میں امن کو یقینی بنانے کے لیے بات چیت میں شامل ہوں۔
غیر قانونی تارکین وطن پر تبصرہ کرتے ہوئے جنہیں یونانی افواج کی جانب سے ترکی میں واپس دھکیلنے کے بعد بدھ کے روز منجمد حالت میں موت کے گھاٹ اتار دیا گیا تھا، ایردوان نے کہا کہ اس طرح کے واقعے سے لاتعلق رہنا ناقابل قبول ہوگا۔
