واشنگٹن:
امریکی وزیرِ دفاع Pete Hegseth نے پینٹاگون میں میڈیا کو بریفنگ دیتے ہوئے واضح کیا کہ ایران کے خلاف جاری امریکی فوجی کارروائی کسی لامحدود جنگ یا جمہوریت مسلط کرنے کی کوشش نہیں، بلکہ ایک محدود اور واضح حکمتِ عملی کے تحت کی جانے والی کارروائی ہے جس کا مقصد ایران کی میزائل صلاحیت، بحری طاقت اور جوہری امکانات کو ختم کرنا ہے۔
“یہ عراق جیسی جنگ نہیں، نہ ہی یہ کوئی نہ ختم ہونے والی مہم ہے۔”
یہ بریفنگ ہفتے کے روز شروع ہونے والے حملوں کے بعد ٹرمپ انتظامیہ کی پہلی باضابطہ پریس کانفرنس تھی، جس میں وزیرِ دفاع کے ہمراہ چیئرمین جوائنٹ چیفس آف اسٹاف جنرل Dan Caine بھی موجود تھے۔ صدر Donald Trump نے اب تک محدود نوعیت کے انٹرویوز دیے ہیں، تاہم کسی کھلی پریس کانفرنس میں سوالات کا سامنا نہیں کیا۔
