بھارتی وزیر اعظم نریندر مودی نے یوم پاکستان کے موقع پر پاکستان کے نام مبارکباد کا پیغام جاری کیا ۔
اپنے پاکستانی ہم منصب عمران خان کے نام پیغام میں مودی کا کہنا تھا کہ ہم پاکستانی قوم کے ساتھ خوشگوار تعلقات کے خواہاں ہیں۔ لیکن اس مقصد کے لیے اعتماد کا ماحول اور دہشت گردی سے پاک فضا کا ہونا لازم ہے۔
وزیراعظم نے عالمی وبا سے جاری جنگ میں پاکستانی عوام کے لیے نیک خواہشات کا اظہار بھی کیا۔
پاکستان کی جانب سے نریندر مودی کے پیغام کا خیر مقدم کیا گیا۔
بھارتی حکومت نے پاکستان پر مقبوضہ کشمیر اور بھارت میں دہشتگردی میں ملوث ہونے کا الزام لگایا تھا ۔ جس کی پاکستان نے تردید کی اور بھارت سے مقبوضہ کشمیر میں ریاستی دہشت گردی اور انسانی حقوق کی خلاف وزیاں ختم کرنے کا مطالبہ کیا ۔
