نئی دہلی: بھارتی وزارتِ خارجہ کے مطابق بھارت سابق بنگلادیشی وزیراعظم کو بنگلادیش کے حوالے کرنے کے امکان پر غور کر رہا ہے اور اس حوالے سے قانونی طریقۂ کار کا جائزہ لیا جا رہا ہے۔
بھارتی وزارتِ خارجہ کے حکام کا کہنا ہے کہ یہ معاملہ حساس نوعیت کا ہے، اس لیے اس پر بین الاقوامی قوانین اور دو طرفہ معاہدات کی روشنی میں فیصلہ کیا جائے گا۔
ذرائع کے مطابق بنگلادیش کی جانب سے حسینہ واجد کی حوالگی کے لیے باضابطہ درخواست دی گئی تھی، جس کے بعد نئی دہلی نے پہلی بار اس معاملے میں لچک کا اشارہ دیا ہے۔
ماہرین کے مطابق اگر یہ فیصلہ عملی شکل اختیار کرتا ہے تو اس کے بھارت-بنگلہ دیش تعلقات پر گہرے سیاسی اور سفارتی اثرات مرتب ہو سکتے ہیں۔
