حماس لیڈر خلیل الہیہ کا غزہ سپورٹ پر ترکیہ کا شکریہ

حماس کے سیاسی بیورو کے رکن خلیل الہیہ نے گزشتہ  روز اپنے بیان میں  کہا کہ،  فلسطینی قوم جنگی نسل کشی میں ملوث تمام افراد کو یاد رکھے گی، ساتھ ہی انہوں  نے ترکیہ سمیت دیگر ممالک کا ان کی حمایت پر شکریہ ادا کیا۔

 پریس کانفرنس میں الہیہ نے کہا کہ، جو کچھ (اسرائیلی) قبضے اور اس کے حامیوں نے کیا، وحشیانہ نسل کشی کی جنگ سے لے کر نازی جیسے جرائم تک، وہ ہمارے عوام اور دنیا کے ذہنوں میں جدید دور کی سب سے سنگین نسل کشی کے طور پر ثبت رہے گا۔

انہوں نے مزید کہا کہ، اس تاریخی لمحے میں ہم غزہ کے اپنے عوام کے لیے فخر اور عزت کے الفاظ پیش کرتے ہیں۔

الہیہ نے تمام ممالک کی قابل عزت پوزیشنز کا ذکر کرتے ہوئے کہا کہ، ہم   ترکیہ، جنوبی افریقہ، الجزائر، روس، چین، ملائیشیا اور انڈونیشیا کا شکریہ ادا کرتے ہیں، جنہوں نے مختلف میدانوں میں ہمارا ساتھ دیا۔