حماس کے ترجمان عبداللطیف کانو نے جنگ بندی کے عمل کے حوالے سے سوشل میڈیا پر ایک جاری بیان میں کہا کہ جنگ بندی کے دوسرے مرحلے میں منتقلی کے لئے مذاکرات شروع نہیں ہوئے تھے اور اس عمل میں تاخیر کی وجہ اسرائیلی وزیر اعظم نیتن یاہو ہیں۔
انہوں نے مزید یہ کہا کہ حماس دوسرے مرحلے میں منتقلی پر بات چیت شروع کرنے کے لئے تیار ہے، جبکہ نیتن یاہو جنگ بندی کے دوسرے مرحلے پر تعطل کا شکار ہیں۔
اسرائیل نے غزہ کی پٹی پر اپنے 15 ماہ کے حملوں میں بین الاقوامی طور پر ممنوعہ ہتھیاروں کا استعمال کیا، انہوں نے اس کی تحقیقات کے لیے ایک بین الاقوامی کمیٹی کے قیام کا مطالبہ کیا ہے ۔
