انقرہ — ترک وزیرخارجہ حاقان فیدان نے کہا ہے کہ خطے کی موجودہ صورتحال اور بدلتے ہوئے عالمی حالات اس امر کے متقاضی ہیں کہ ترکیہ، پاکستان، مصر اور سعودی عرب دفاعی صنعتوں کے شعبے میں قریبی تعاون کریں۔
حاقان فیدان نے اپنے بیان میں کہا کہ:
"خطے کی صورتحال ہمیں سکیورٹی کے معاملات پر تعاون کرنے پر مجبور کر رہی ہے۔ دفاعی صنعتوں میں اشتراک نہ صرف ان ممالک کے لیے اہم ہے بلکہ پورے خطے کی سلامتی اور استحکام کے لیے بھی ناگزیر ہے۔”
ترکیہ، پاکستان، مصر اور سعودی عرب کے درمیان دفاعی صنعتوں میں تعاون کو وقت کی ضرورت قرار دیا گیا۔
خطے کی بگڑتی ہوئی صورتحال اور سکیورٹی خطرات اس تعاون کو مزید ناگزیر بنا رہے ہیں۔
ماہرین کے مطابق یہ اشتراک ان ممالک کو جدید دفاعی ٹیکنالوجی اور اجتماعی سلامتی کے میدان میں مضبوط کرے گا۔
یہ بیان اس وقت سامنے آیا ہے جب مشرق وسطیٰ اور جنوبی ایشیا کے سکیورٹی خدشات میں اضافہ ہو رہا ہے اور بڑے پیمانے پر دفاعی اتحادوں اور اجتماعی اقدامات کی ضرورت شدت اختیار کر گئی ہے۔
