عالمی وبا کورونا کے باعث دو سال بعد لاکھوں کی تعداد میں مسلمان حج کی سعادت حاصل کر رہے ہیں۔
پاکستان سمیت دنیا بھر سے 10 لاکھ سے زائد مسلمان امسال حج کی سعادت حاصل کر رہے ہیں۔
عزام کرام آج حج کا رکن اعظم وقوف عرفہ ادا کریں گے اور خطبہ بھی سنیں گے۔ اس سال حج کا رکن اعظم جمعے کے روز ہو رہا ہے اس لیے اس کو حج اکبر بھی کہا جاتا ہے۔
یاد رہے کہ دنیا بھر کے مسلمان عالمی وبا کورونا کے باعث دو سال بعد اتنی بڑی تعداد میں فریضہ حج ادا کر رہے ہیں، ترکیہ سے اس سال 37 ہزار 770 پاکستان سے 81 ہزار 132 کے قریب افراد حج کی سعادت حاصل کر رہے ہیں۔
