فیصل آباد: یونس ایمرے انسٹیٹیوٹ کے کنٹری ڈائریکٹر ڈاکٹر خلیل طوقار کے اہتمام اور تعاون سے گورنمنٹ کالج ویمن یونیورسٹی فیصل آباد کی وائس چانسلر پروفیسر ڈاکٹر کنول امین نے ہمارے اعزاز میں ایک خصوصی عشائیہ کا انعقاد کیا۔
تقریب میں ڈاکٹر صدف نقوی اور یونیورسٹی کے دیگر ممتاز فیکلٹی ممبران بھی شریک ہوئے۔ ڈاکٹر خلیل طوقار نے وائس چانسلر اور فیکلٹی ممبران کے گرمجوش استقبال اور شاندار انتظامات کو سراہا اور دونوں اداروں کے درمیان علمی و تحقیقی تعلقات کو مزید مستحکم کرنے کی اہمیت پر زور دیا۔
تقریب کا مقصد تعلیمی اشتراک، ثقافتی تعلقات اور مستقبل میں علمی تعاون کے مواقع کو فروغ دینا تھا۔
