ترکی میں آئن لائن گیم کے ذریعے ہزاروں افراد کو لوٹنے والے ملزم کو گرفتار کر لیا گیا۔ ملزم مہمت عائدن آن لائن پونزی اسکیم گیم کے ذریعے 3 ہزار 762 افراد کو بیوقوف بنا کر ان کی رقم ہڑپ چکا ہے۔
مفرور ملزم مہمت کو استنبول ائیر پورٹ سے گرفتار کیا گیا جہاں وہ برازیل کے شہر ساؤ پاؤلو میں ترک کونسل خانے میں ہتھیار ڈالنے کے بعد خصوصی پرواز کے ذریعے لائے گئے۔ مہمت پر فراڈ اور غیرقانونی تنظیم کے قیام کا الزام ہے۔ دو سال سے مطلوب مہمت کے خلاف قانونی کاروائی کی جائے گی۔ 2016 میں 29 سالہ مہمت نے آئن لائن گیم فارم بینک کی بنیاد رکھی تھی۔
