اسلام آباد — وزارت خزانہ اور اسٹیٹ بینک کے تازہ اعداد و شمار کے مطابق سعودی عرب، متحدہ عرب امارات، کویت، قطر، بحرین اور عمان میں مقیم پاکستانیوں نے زرمبادلہ کی شاندار بارش کر دی ہے۔
صرف سعودی عرب اور یو اے ای سے ایک ایک ارب ڈالر سے زائد کی ترسیلات موصول ہوئیں۔
مالی سال کے پہلے دو ماہ میں مجموعی ترسیلات زر میں 5.3 فیصد سالانہ اضافہ ریکارڈ کیا گیا۔
سعودی عرب بدستور سب سے بڑی ترسیلات زر کا ذریعہ ہے جہاں سے پاکستانی ورکرز نے اربوں ڈالر بھیجے۔
متحدہ عرب امارات دوسرے نمبر پر رہا، جہاں سے ایک ارب ڈالر سے زیادہ کی رقوم پاکستان آئیں۔
قطر، کویت، بحرین اور عمان میں مقیم پاکستانیوں نے بھی نمایاں حصہ ڈالا اور ملکی زرمبادلہ کے ذخائر کو مستحکم کرنے میں کردار ادا کیا۔
ترسیلات زر پاکستان کی معیشت میں ریڑھ کی ہڈی کی حیثیت رکھتی ہیں۔
خلیجی ممالک میں مقیم پاکستانی محنت کش نہ صرف اپنے خاندانوں کا سہارا ہیں بلکہ ملکی معیشت کے لیے بھی زندگی بخش کردار ادا کر رہے ہیں۔
ماہرین کے مطابق ترسیلات میں یہ اضافہ حکومت کے لیے ریلیف ہے کیونکہ یہ کرنٹ اکاؤنٹ خسارہ کم کرنے اور ڈالر کی دستیابی بہتر بنانے میں مدد دے گا۔
