اسلام آباد:
ترک ڈرامہ ارطغرل غازی میں عبدالرحمٰن الپ کا کردار ادا کرنے والے معروف ترک اداکار جلال آل نے پاکستان کے عوام کے لیے خصوصی پیغام جاری کیا ہے، جس میں انہوں نے پاکستان اور ترکی کے درمیان گہرے اور بھائی چارے پر مبنی تعلقات پر زور دیا ہے۔
جلال آل نے اپنے ویڈیو پیغام میں کہا کہ وہ پاکستان کے عوام کی محبت اور عزت پر دل سے شکر گزار ہیں۔ انہوں نے کہا کہ پاکستان اور ترکی صرف دو ملک نہیں بلکہ دو دل اور ایک روح ہیں۔
انہوں نے مزید کہا کہ پاکستانی عوام نے ہر مشکل وقت میں ترکی کے ساتھ بھرپور یکجہتی کا اظہار کیا، اور ترک قوم اس کو کبھی فراموش نہیں کرے گی۔ جلال آل نے پاکستان کے لیے نیک تمناؤں کا اظہار کرتے ہوئے ملک میں امن، ترقی اور خوشحالی کے لیے دعا بھی کی۔
ترک اداکار نے پاکستان آنے کی خواہش کا اظہار کرتے ہوئے کہا کہ انہیں پاکستان کی ثقافت، عوام اور مہمان نوازی سے بے حد محبت ہے اور وہ مستقبل قریب میں پاکستانی مداحوں سے دوبارہ ملاقات کے منتظر ہیں۔
“پاکستان زندہ باد، ترکی زندہ باد”
جلال آل نے اپنے پیغام کے اختتام پر دونوں ممالک کے پرچم بلند کرتے ہوئے پاکستان کے لیے محبت کا اظہار کیا۔
