صدر ایردوان کی جسٹس اینڈ ڈویلپمنٹ پارٹی کی جاری انتخابی مہم میں 40صوبوں میں انتخابی ریلیاں نکالنے کے سلسلے میں دارالحکومت انقرہ میں ایک پُرجوش یوتھ ریلی کا انعقاد کیا۔
ریلی میں صدر ایردوان نے اپنی جماعت کے 25 پارلیمانی امیدواروں کو متعارف کروانے کے علاوہ الیکشن میں کامیابی کے بعد ترکیہ کی نوجوان نسل کے لئےمتعدد منصوبوں کا ایک مجموعہ بھی متعارف کرایا۔
14 مئی تک ہر روز 40 صوبوں میں ریلیاں نکالنے کے اپنے ایجنڈے کے ایک حصے کے طور پر، ترک صدر نے نصف درجن شہروں میں خوش کن ہجوم سے خطاب کیا اور اپنی حکومت کی ماضی کی خدمات پر روشنی ڈالی اور اقتصادی اقدامات سے لے کر مہنگائی کو روکنے تک کے انتخابی وعدوں کی وضاحت کی۔
صدر ایردوان نے خواتین اور نوجوانوں کے سماجی حقوق کو بڑھانے اور ترکیہ کے بین الاقوامی مقام کو بلند کرنے کے لیے پیداوار کو بڑھانے کے منصوبوں پر روشنی ڈالی۔
نوجوانوں کے لئے پارٹی منشور پر روشنی ڈالتے ہوئے صدر ایردوان نے فیملی ایند یوتھ بنک کے قیام، موبائل فونز، لیپ ٹاپ اور کمپیوٹرز کی خریداری پر ویلیو ایڈڈ ٹیکس کی چھوٹ، بینک قائم کرنے کے اپنے وعدے کے علاوہ، ایردوان نے موبائل فون اور کمپیوٹر پر صرف ایک وقت کے لیے ویلیو ایڈڈ ٹیکس سے مستثنیٰ ہونے کا وعدہ کیا ہے۔
20تزویراتی شعبوں کے لئے 30ہزار نوجوانوں کی تیاری، نوجوانوں کو سیاست میں آگے لانے کے لئے تربیت کا اہتمام اور میونسپل کونسلوں میں انکی شمولیت،کاروبار کے لئے نوجوانوں کو بلا سود قرضوں کی فراہمی اور معاونت، زرعی شعبے مین نوجوانوں کو آگے لانے کے لئے زمینیں الاٹ کرنے اور فصلوں کی کاشت میں مالی و تکنیکی امداد کی فراہمی شامل ہیں۔
