ترک صدر رجب طیب ایردوان نے عالمی برادری پر زور دیا ہے کہ وہ غزہ میں اسرائیلی اقدامات کے خلاف مضبوط، واضح اور مسلسل مؤقف اپنائے اور سفارتی دباؤ میں اضافہ کرے۔
ایک بیان میں صدر ایردوان نے کہا کہ "عزمِ مصمم رکھنے والی عالمی قوت نتن یاہو کو روک سکتی ہے”۔ انہوں نے زور دیا کہ عالمی برادری فوری اور بلا تعطل انسانی امداد کو یقینی بنائے اور جنگ بندی کے تمام نکات پر عمل درآمد کرائے۔
ترک صدر نے مزید کہا کہ غزہ میں انسانی المیہ اپنی شدت کی انتہا پر ہے، اس لیے عالمی قیادت کی ذمہ داری پہلے سے کہیں زیادہ بڑھ چکی ہے۔ انہوں نے اس بات پر بھی زور دیا کہ فلسطینی عوام کے حقوق کے تحفظ کے لیے واضح اور مستقل عالمی موقف ہی دیرپا امن کی بنیاد رکھ سکتا ہے۔
