صدر ایردوان کی فرانسیسی صدر میکرون سے ٹیلیفونک بات چیت

ترکیہ کے صدر رجب طیب ایردوان کی فرانسیسی صدر ایمانوئل میکرون سے ٹیلی فونک بات چیت ہوئی۔

اس بات چیت میں ترکیہ اور فرانس کے درمیان دو طرفہ تعلقات اور عالمی امور پر تبادلہ خیال کیا گیا۔

صدر ایردوان نے کہا کہ ترکیہ، روس اور یوکرین کے درمیان جنگ کے خاتمے، منصفانہ اور دیرپا امن کو یقینی بنانے کے لیے اپنی کوششیں جاری رکھے ہوئے ہے۔

فرانسیسی صدر سے بات کرتے ہوئے صدر ایردوان نے اس بات پر بھی زور دیا کہ فلسطینیوں کو مصر، اردن یا کسی اور تیسرے ملک میں منتقل کرنے کا منصوبہ ناقابل قبول ہے۔