نیو ویلفیئر پارٹی (وائی آر پی) کے رہنما فتح اربکان نے یہ اعلان کیا کہ14 مئی کو ہونے والے انتخابات میں کسی بھی اتحاد میں شامل نہیں ہو گے بلکہ وہ صدارتی امیدوار کے طور پر میدان میں آئیں گے۔ سابق وزیر اعظم نجم الدین اربکان کے صاحبزادے ڈاکٹر فاتح اربکان نے انتخابات میں حصہ لینے کے لئے کاغذات نامزدگی جمع کروا دیئے۔ ان کی جماعت نے موقف دیا کہ آق پارٹی چھوٹی اپوزیشن پارٹی کے ساتھ اتحاد کی بات چیت میں مصروف ہے اور آق پارٹی کی جانب سے بنائے گئے کچھ قانون نا قابلِ قبول ہےترک وزارت برائے خاندان و سماج کے وزیر کے مطابق آرٹیکل 6284 برائے خاندان کے تحفظ اور خواتین پر تشدد کی روک تھام حکومت کی جانب سے خواتین کو نشانہ بنانے والے تشدد کے خلاف نافذ کردہ سب سے اہم قانونی ضابطوں میں سے ایک ہے۔لیکن YRP قانون کو مردوں کے لیے غیر منصفانہ سمجھتا ہے۔ پارٹی کا کہنا ہے کہ قانون کے تحت گھریلو تشدد کے معاملات میں عدالت کے سامنے صرف خواتین کی گواہی کی اہل ہے اور اگر میاں بیوی صلح پر راضی ہو جائیں تب بھی مرد کے خلاف عوامی مقدمے جاری رہتے ہیں اور مردوں کو طویل پابندی کے احکامات کا سامنا کرنا پڑتا ہے۔ پارٹی طلاق کے بعد مرد میاں بیوی کے لیے لازمی اخراجات کی طویل مدت کو محدود کرنے کا بھی عہد کرتی ہے۔ اسی طرح ڈاکٹر اربکان کی پارٹی نے خواتین کے حقوق سے متعلق استنبول کنونشن کی بھی مخالفت کی ہے، جو خواتین کے خلاف تشدد کی روک تھام اور ان سے نمٹنے کے لیے دنیا کا پہلا پابند معاہدہ ہے، جسے ترک حکومت نے 2021 میں واپس لے لیا تھا کیونکہ ان کا ماننا تھا کہ ان کے پاس خواتین کے حقوق اور تشدد کی روک تھام کو یقینی بنانے کے لیے پہلے سے ہی مضبوط قوانین موجود ہیں۔
خیال رہے کہ فاتح اربکان مرحوم سابق وزیر اعظم نجم الدین اربکان کے بیٹے ہیں جن کی پارٹی نے 1990 کی دہائی میں ترک سیاست پر غلبہ حاصل کیا۔ اربکان کی سیاسی تحریک نے سیاسی پابندیوں کے درمیان برسوں کے دوران نام بدلے اور کئی پارٹیوں کو جنم دیا، جن میں اے کے پارٹی بھی شامل ہے جن کے بانی اربکان کے سب سے قریب تھے، جبکہ سعادت پارٹی بھی اربکان کی میراث ہے
