محکمہ آثار قدیمہ پنجاب کے ڈائریکٹر جنرل شوزب سعید نے ترک کو آپریشن اینڈ کو آرڈینیشن ایجنسی ٹکا اسلام آباد کا دورہ کیا۔
دورے کے دوران شوزب سعید نے ٹکا کے کو آرڈینیٹر محسن بالچی سے ملاقات کی۔
ملاقات کے دوران شوزب سعید نے خطے کے شاندار تاریخی ورثے کو اجاگر کرتے ہوئے پاکستان کی قدیم تہذیبوں کے بارے میں بصیرت فراہم کی۔
بات چیت میں آرکیالوجی پنجاب اور ٹکا اسلام آباد کے درمیان تعاون کے ممکنہ شعبوں پر توجہ مرکوز کی گئی، جس کا مقصد تعلقات کو مضبوط بنانا اور ثقافتی تبادلے کو فروغ دینا ہے۔
