ترکیہ کو اگلے سال ہونے والی COP31 عالمی ماحولیاتی کانفرنس کی میزبانی کے لیے منتخب کر لیا گیا ہے۔ یہ عالمی ایونٹ بحیرۂ روم کے ساحلی شہر انطالیہ میں منعقد ہوگا۔
یہ پیش رفت اُس وقت سامنے آئی جب آسٹریلوی وزیرِاعظم انتھونی البانیز نے اعلان کیا کہ کینبرا اپنی میزبانی کی بولی سے دستبردار ہو رہا ہے۔ آسٹریلیا کے ہٹنے کے بعد ترکیہ مضبوط امیدوار کے طور پر سامنے آیا اور تقریب کی میزبانی اس کے حصے میں آئی۔
COP31 ماحولیاتی تبدیلی، عالمی درجۂ حرارت، کاربن اخراج میں کمی، گرین ٹرانزیشن اور پائیدار ترقی کے سلسلے میں دنیا کی سب سے اہم سالانہ کانفرنس مانی جاتی ہے۔ انطالیہ میں اس کی میزبانی عالمی سطح پر ترکیہ کے بڑھتے ہوئے سفارتی اور ماحولیاتی کردار کو مزید نمایاں کرے گی۔
