شنگھائی تعاون تنظیم کے 23 ویں سربراہی اجلاس میں شرکت کے لیے چینی وزیراعظم کا طیارہ جونہی پاکستان میں لینڈ کیا، وزیراعظم پاکستان، متعدد وزرا اور اعلی عہدیداران کے ہمراہ استقبال کو پہنچ گئے، سپاہیوں نے 21 توپوں کی سلامی اور گاڈ آف آنر پیش کیا۔
چینی وزیراعظم لی چیانگ 15 رکنی وفد کے ساتھ پاکستان پہنچ چُکے ہیں. چینی وزیراعظم نے ایئرپورٹ پر میڈیا سے گفتگو کرتے ہوئے کہا کہ "پاکستان اور چین کی دوستی لوہے سے بھی زیادہ مضبوط ہے، پاکستانی عوام کی مہمان نوازی نے بہت متاثر کیا.” اُن کا مزید کہنا تھا کہ "پاکستان ایک ابھرتی ہوئی مارکیٹ اور اہم مسلم ملک ہے”۔
چینی وزیر اعظم 4 روز تک پاکستان میں قیام کریں گے اور پاکستان کے اہم سیاسی و عسکری حکام سے ملاقات کریں گے. واضح رہے کہ 7 سال بعد چینی وزیراعظم پاکستان آئے ہیں۔
Tags: چینی وزیرِ اعظم چینی وزیرِ اعظم کی پاکستان آمد شنگھائی تعاون تنظیم (SCO) شنگھائی تعاون تنظیم سربراہی اجلاس
