بیجنگ / ماسکو / تہران / اسلام آباد — خطے کی چار بڑی طاقتوں، چین، روس، ایران اور پاکستان نے مشترکہ طور پر افغانستان میں امریکی فوجی اڈوں کے قیام کی مخالفت کر دی ہے۔
اجلاس میں اس بات پر زور دیا گیا کہ افغانستان کی خودمختاری، آزادی اور علاقائی سالمیت کا احترام کیا جانا چاہیے اور کسی بھی بیرونی طاقت کو اس ملک کے اندرونی معاملات میں مداخلت کا حق نہیں ہے۔
چاروں ممالک کے نمائندوں نے اس امر پر اتفاق کیا کہ افغانستان میں امن و استحکام پورے خطے کے لیے انتہائی اہم ہے اور اس مقصد کے لیے ایک آزاد اور خود مختار افغان حکومت کی حمایت ضروری ہے۔
تجزیہ کاروں کے مطابق چین، روس، ایران اور پاکستان کا یہ مشترکہ موقف خطے میں نئی جغرافیائی و سیاسی صف بندی کی نشاندہی کرتا ہے، جو امریکہ کے اثرورسوخ کو محدود کرنے کی حکمتِ عملی کا حصہ ہے۔
