بیجنگ — چین نے روسی شہریوں کے لیے ایک بڑا اعلان کرتے ہوئے کہا ہے کہ وہ 15 ستمبر 2025 سے ایک سال کی مدت کے لیے چین کا بغیر ویزا سفر کر سکیں گے۔
اس فیصلے کے تحت روسی شہریوں کو چین میں داخلے کے بعد زیادہ سے زیادہ 30 دن تک قیام کی اجازت ہوگی۔ چینی وزارتِ خارجہ کے مطابق یہ اقدام دونوں ممالک کے درمیان بڑھتے ہوئے سیاحتی، تجارتی اور ثقافتی تعلقات کو فروغ دینے کے لیے کیا گیا ہے۔
چین اور روس پہلے ہی اسٹریٹجک شراکت داری کے رشتے میں بندھے ہوئے ہیں اور حالیہ برسوں میں توانائی، دفاع، ٹیکنالوجی اور معیشت کے شعبوں میں تعاون مزید مضبوط ہوا ہے۔ ماہرین کے مطابق ویزا فری سہولت نہ صرف عوامی روابط کو بڑھائے گی بلکہ دونوں ممالک کی معیشت اور سیاحت پر بھی مثبت اثرات ڈالے گی۔
