بنگلا دیش میں کارگو جہاز سے ٹکرانے کے بعد کشتی الٹنے کے نتیجے میں کم از کم 26 افراد ہلاک ہو گئے جبکہ 9 افراد لا پتہ ہیں۔
غیر ملکی میڈیا کے مطابق بنگلا دیش کے شیتا لکھیا دریا میں 50 سے زائد مسافروں سے بھری چھوٹی مسافر کشتی ایک کارگو جہاز سے ٹکرانے کے بعد الٹ گئی۔
بنگلادیشی میڈیا کے مطابق اتوار کے روز پیش آنے والے حادثے میں اب تک 26 افراد کی ہلاکت کی تصدیق ہو چکی ہے، 5 لاشیں گزشتہ روز ہی نکال لی گئی تھیں جبکہ مزید 21 لاشیں پیر کے روز نکالی گئیں۔
پولیس اور عینی شاہدین کا بتانا ہے کہ حادثے کے فوری بعد کارگو جہاز موقع سے فرار ہو گیا۔
ریسکیو آپریشن جاری ہے تاہم سمندری طوفان کے باعث آپریشن میں مشکلات کا سامنا ہے۔
