کابل – افغان حکومت نے واضح اور غیرتمندانہ مؤقف اختیار کرتے ہوئے اعلان کیا ہے کہ وہ اپنی سرزمین اور بالخصوص بگرام ایئربیس کسی بھی ملک کو استعمال کے لیے نہیں دے گی۔
سینئر صحافی اجمل جامی کے مطابق، اگرچہ افغانستان اس وقت شدید معاشی بحران اور پسماندگی کا شکار ہے، لیکن اس کے باوجود افغان حکام نے غیرت اور خودمختاری کے جذبے کے ساتھ ڈٹ کر یہ پیغام دیا ہے کہ ملک کی سالمیت پر کوئی سمجھوتہ نہیں ہوگا۔
یہ بیان اس پس منظر میں آیا ہے جب عالمی طاقتوں کی طرف سے افغانستان میں اسٹریٹجک اڈوں کے استعمال کے حوالے سے دباؤ کی خبریں گردش کر رہی تھیں۔ افغان حکومت کا یہ فیصلہ خطے میں خودمختاری اور خودداری کی ایک مثال کے طور پر دیکھا جا رہا ہے۔
