اسلام آباد : آذربائیجان کے صدر الہام علیوف نے وزیراعظم شہباز شریف سے ٹیلیفون پر گفتگو میں پاکستان کے سیلاب متاثرین سے اظہارِ ہمدردی کیا ہے۔ انہوں نے کہا کہ آذربائیجان کی حکومت اور عوام مشکل وقت میں پاکستان کے ساتھ کھڑے ہیں اور متاثرین کی بحالی اور امداد کے لیے ہر ممکن تعاون فراہم کریں گے۔
صدر علیوف نے کہا کہ آذربائیجان پاکستان کو اپنا قریبی برادر ملک سمجھتا ہے اور دونوں ممالک کے درمیان تعلقات باہمی اعتماد اور بھائی چارے پر مبنی ہیں۔ اس موقع پر وزیراعظم شہباز شریف نے آذربائیجان کی حکومت اور عوام کا شکریہ ادا کرتے ہوئے کہا کہ پاکستان مشکل وقت میں آذربائیجان کے جذبۂ یکجہتی کو قدر کی نگاہ سے دیکھتا ہے۔
