ایف-16 لڑاکا طیاروں، فضائی اور زمینی عملے پر مشتمل پاک فضائیہ کا دستہ فضائی مشق اناتطولین ایگل – 2023 میں شرکت کے لیے ترکیہ کے تیسرے مین جیٹ بیس، قونیہ پہنچ گیا۔
ترک فضائیہ کی میزبانی میں منعقد کی جانے والی فضائی مشق اناطولین ایگل کا شمار دنیا کی بڑی اور پیچیدہ فضائی مشقوں میں ہوتا ہے۔
مشق کا مقصد ایک حقیقت پسندانہ ماحول میں عسکری صلاحیتوں کو جانچنے کے ساتھ ساتھ مشق میں شریک ممالک کو مشترکہ طور پر سیکھنے کا موقع فراہم کرنا ہے۔
علاوہ ازیں یہ مشق شرکاء کے مابین باہمی تعاون کو فروغ دینے میں بھی کلیدی کردار ادا کرے گی۔
